Stjórn Íslenskrar ættleiðingar
Ágúst Guðmundsson - agust (hjá) medica.is
Anna Katrín Eiríksdóttir - annaka (hjá) kopavogur.is
geta notað netfangið - stjorn (hjá) isadopt.is
er Kristinn Ingvarsson - isadopt (hjá) isadopt.is
Félagið Íslensk ættleiðing
Fyrsta félag kjörforeldra var stofnað í Reykjavík í janúar 1978 og kallaðist í fyrstu Ísland-Kórea. Árið 1981 var nafni þess breytt í Íslensk ættleiðing. Fljótlega var annað félag stofnað á Akureyri; Ísland-Guatemala, sem einnig vann að ættleiðingum. Árið 1983 sameinuðust félögin undir nafninu Íslensk ættleiðing og búa félagsmenn um allt land.
Meginmarkmið félagsins
- Að aðstoða þá sem vilja ættleiða börn af erlendum uppruna og ávallt þannig að hagsmunir barnsins sitji í fyrirrúmi.
- Að stuðla að velferð kjörfjölskyldna.
- Að vinna að velferðarmálum barna erlendis.
Starfið tekur mið af Barnasáttmála Sameinuðu þjóðanna og miðast jafnframt við siðareglur EurAdopt sem eru samtök ættleiðingarfélaga í Evrópu, Íslensk ættleiðing var eitt stofnfélaga samtakanna. Einnig er ÍÆ aðili að NAC -Nordic Adoption Council- sem eru samtök ættleiðingarfélaga á Norðurlöndunum. Aðalfundur NAC var haldinn á Íslandi árið 1999.
Félagar Íslenskrar ættleiðingar fá send fréttabréf, haldnir eru fræðslufundir og fjölskyldufundir, og á hverju ári er útilega og einnig jólaskemmtanir í Reykjavík og á Akureyri.
Sérstakir undirbúningsfundir eru fyrir fólk sem bíður eftir að ættleiða sitt fyrsta barn.
Vinnureglur um tölvupóst
Teknar hafa verið í notkun vinnureglur um meðferð tölvupósts hjá Íslenskri ættleiðingu með vísan til 11. gr. laga nr. 77/2000, um persónuvernd og meðferð persónuupplýsinga. Þar er skilgreind stefna sem Íslensk ættleiðing fylgir varðandi netvöktun. Sú stefna telst vera þáttur í öryggiskerfi félagsins, sbr. 3. gr. reglna nr. 299/2001 um öryggi persónuupplýsinga. En með netvöktun er átt við óreglubundnar athuganir vegna tilfallandi atvika og viðvarandi eða reglubundið endurtekið eftirlit félagsins með netnotkun á þess vegum.
Vinnureglurnar bera heitið: Vinnureglur um meðferð tölvupósts með endingunni isadopt.is í póstfangi og netnotkun starfsmanna og annara fulltrúa íslenskrar ættleiðingar.
Þær heyra undir ábyrgðarsvið Húsnæðisnefndar eins og það er skilgreint í greinargerð með skipuriti félagsins en framkvæmdastjóri ber ábyrgð á framkvæmd reglnanna nema annað sé tilkynnt sérstaklega.
í dag