Íslensk Ćttleiđing

Hafđu samband

Samningsdrög farin til Rússlands

19.02.2013

Eins og félagsmenn ÍĆ þekkja hefur verið unnið að ættleiðingarsambandi við Rússland í rúm þrjú ár eða frá því að stjórn félagsins óskaði eftir því við íslensk stjórnvöld að þau sendi formlega beiðni til rússneskra stjórnvalda um ættleiðingasamband milli landanna.

Ţað er ánægjulegt að greina frá því að síðastliðinn föstudag fóru lokadrög að samningi um alþjóðlegar ættleiðingar milli Íslands og Rússlands með hraðsendingu til Rússlands.

Í árslok 2011 lýsti Lavrov utanríkisráðherra Rússlands því yfir á fundi með Össuri Skarphéðinssyni ráðherra að Rússar væru nú reiðubúnir að gera slíkan samning. Á fundinum sjálfum lofaði hann jafnframt að setja sína bestu menn í að ljúka samningi sem fyrst.

Íslensk ættleiðing var full bartsýni við þessar fréttir en í blaðagrein sem Össur skrifaði í desember 2011 benti hann á að “Vafalítið eru mörg ljón á veginum ennþá sem við félagi Ögmundur þurfum saman að yfirvinna.”

Össur reyndist þarna sannspár, því mikil vinna hefur verið lögð í það í ráðuneytum innanríkis- og utanríkis á Íslandi að rita samning sem fer vel að lögum beggja landanna. Af hálfu ættleiðingarfélagsins hefur Elín Henriksen skipulagt vinnuna og fylgt því fast eftir að vinna við samninginn hafi ávalt verið ofarlega í forgangsröðinni í verkefnabunkanum hjá stjórnsýslunni.

Í maí á síðasta ári fóru fulltrúar Innanríkisráðuneytisins á fund með starfsbræðrum sínum í Rússlandi til að bera saman bækur sínar og komu heim með þær fregnir að vel gæti orðið um ættleiðingarsamband að ræða milli landanna. Einungis þyrfti að endurrita fáein atriði og þýða samninginn.

Ţessari vinnu er nú lokið og við höfum ástæðu til að ætla að á næstu vikum fáum við fulltrúa rússneska ríkisins í heimsókn til landsins til að undirrita samninginn.